الإنجيل هاذا كتبو مرقس ما بين عام 55 و56 بعد الميلاد. مرقس ما كانش واحد مالأثناشن تلميذ متاع المسيح آما بشّر بالإنجيل مع الرّسول بولس وقتلّي مشى يبشّر أوّل مرّة. الإنجيل هاذا كان أقصر واحد في الأناجيل الأربعة.
يسوع بصيفتو ملك يستحق باش نخدموه آما التّعليم متاع يسوع عطانا فكرة أخرى على الحياة. "وِلِّي يْحِبْ يْوَلِّي لُوِّلْ فِيكُمْ خَلِّيهْ يْكُونْ عَبْدْ لِيكُمْ الكُلْ.
حَتَّى آنَا إِبْنْ الإِنْسَانْ مَا جِيتِشْ بَاشْ يِخْدْمُونِي آمَا جِيتْ بَاشْ نِخْدِمْ وْنَعْطِي حْيَاتِي بَاشْ نِفْدِي بِيهَا بَرْشَة نَاسْ."
الإنجيل هاذا يشجّع المؤمنين باش يمّنوا بقوّة إنّو المسيح هو المخلّص. مرقس حكى على ثمنطاشن معجزة عملهم الرّب يسوع المسيح باش يعطي الدّليل على إنّو هو المخلّص والملك آما خدم النّاس كيف خادم، ضحّى بروحو باش يخلّصهم.
إِنْجِيلْ مَرْقُسْ | Mark 1 | Mark 2 | Mark 3 | Mark 4 | Mark 5 | Mark 6 | Mark 7 | Mark 8 | Mark 9 | Mark 10 | Mark 11 | Mark 12 | Mark 13 | Mark 14 | Mark 15 | Mark 16
